E2BN - This Generation's Learning

mánudagur, 05 júlí 2010

This Generation's Learning ráðstefna var haldin að þessu sinni af East of England Broadband Consortium 28 og 29. júní í The Robinson Centre, Wyboston, Beds í Englandi.
Þessi áhugaverða ráðstefna og sýning höfðaði til allra kennara sem áhuga hafa á áhrifum nýrrar tækni á skólastarf.

Ráðstefnan í ár bar yfirheitið “Nám þessarar kynslóðar”. Á ráðstefnunni var litið á rétt nemandans og skoðað hvernig upplýsinga-og samskiptatækni hefur verið komið inn í námskrá. Einnig var fjallað um á hvern hátt skólar nýta tæknina til þess að bjóða öllum nemendum viðfangsefni við hæfi, bæði í skólanum og heima.

Nánar...

ISTE ráðstefnan 2010

sunnudagur, 27 júní 2010

Nú stendur yfir árleg ráðstefna ISTE (International Society for Technology in Education) í Denver í USA. Þar er fjallað um mennun og upplýsingatækni. Ráðstefnan stendur yfir frá 27. júní til 30. júní. Í einu inngangserindanna fjallaði Darren Cannell um stöðu kennarans í nútímanum og sýndi m.a. þetta myndband.

Á heimasíðu ráðstefnunnar er vísað í fjölmörg blogg þar sem kennarar fjalla um upplýsingatækni og menntun. Getur verið áhugavert fyrir félagsmenn 3f að skoða þau.

Einnig verða nokkur erindann birt á heimasíðu TED.

Stjórn 3F fundar í menntamálaráðuneytinu

mánudagur, 21 júní 2010

Þann 16. júní s.l. áttu meðlimir stjórnar 3f góðan fund í menntamálaráðuneytinu þar sem markmiðið var að frá frekari upplýsingar um framkvæmd á stefnu stjórnvalda um upplýsingasamfélagið með áherslu á nám og kennslu. Fyrir hönd ráðuneytisins voru til svara þær Sigurbjörg Jóhannesdóttir sérfræðingur og Berglind Rós Magnúsdóttir ráðgjafi ráðherra.

Meðal þess sem kom til tals á fundinum voru svokallaðir UT-leiðtogar, en stefna stjórnvalda er að efla notkun upplýsingatækni í námi og kennslu m.a. með stuðningi við UT-leiðtoga í grunn- og framhaldsskólum. Þetta er verkefni sem við í stjórn 3f höfum trú á að gæti eflt UT notkun í skólum þrátt fyrir að augljóslega verði ekki svigrúm til að framkvæmda í sama mæli og gert var ráð fyrir þegar stefnan var mótuð.

Óhætt er að segja að fundurinn hafi verið mjög gagnlegur og ákveðið var að fulltrúar 3f, Fjalar, Sólveig og Sigurbjörg hjá ráðuneytinu héldu áfram að ræða um þær hugmyndir sem fram komu. Stjórn 3f hefur miklar væntingar til þess að verkefnið um UT-leiðtoga verða að veruleika í framtíðinni.

Elearning viðurkenning

mánudagur, 21 júní 2010

10 ára afmæli elearning viðurkenninga verður í haust.

Leiðandi viðurkenning í Evrópu sem lýtur að framúrskarandi nýtingu á tækni í námi og kennslu. Skólum og háskólum er boðið að taka þátt og skrá sig hér til þess að koma á framfæri þeirra bestu verkefnum þar sem tölvutæknin er nýtt í kennslu og námi.

Vinningsfé eru þúsundir evra og ný tæki og tól. Umsóknarfrestur rennur út 28. september nk.
Upplýsingar eru að finna á heimasíðu verðlaunanna eða með því að senda This email address is being protected from spam bots, you need Javascript enabled to view it

Fréttir frá Aðalfundi

miðvikudagur, 02 júní 2010

Aðalfundur 3f var haldinn í Græna kaffihúsinu í Hellisgerði í Hafnarfirði miðvikudaginn 2. júní 2010. Þröngt máttu sáttir sitja í þessu yndislega kaffihúsi. Gestgjafinn hún Sigga hafði meira að segja bakað hjónabandssælu og skreytt með merki 3f.

Dagskrá fundarins var hefðbundin. Sólveig formaður flutti skýrslu stjórnar og Fjóla gjaldkeri fór yfir fjárreiður félagsins. Geysimikil umsvif voru á vegum félagsins á síðasta starfsári. Haldnir voru fjölmargir fundir, námskeið og stór haustráðstefna. Stjórnin fundaði oft og mikið til þess að skipuleggja þetta blómlega starf.
Á fundinum gaf Sólveig ekki kost á sér áfram sem formaður og var henni þökkuð frábær störf í þágu félagsins. Við hennar störfum tekur Fjalar sem var kosinn einróma. Elín Jóna gaf ekki kost á sér áfram í stjórn og var henni þakkað fyrir störf í þágu félagsins. Í hennar stað kemur Bjarndís Fjóla Jónsdóttir sem er kennari í Lágafellsskóla. Sólveig ætlar að vera áfram í stjórn félagsins sem meðstjórnandi. Fundargerð aðalfundar má lesa í heild sinni hér.
Hér má lesa skýrslu formanns.
Hér má sjá myndir frá fundinum.

Meira...